Talosagaina o se fesoasoani mo se fale

E mafai ona e talosaga i ni auala se tolu:

• E mafai ona e faafesoota’i le Matagaluega mo Komiuniti (Auaunaga tauifale ma Ē e Leai ni fale e nonofo ai/ Housing and Homelessness Services) (Department of Housing and Public Works e faatulaga ai se taimi e faia ai se talanoaga poo e agavaa ma poo a ou mana’oga mo se taufale. Pe a fai le talanoaga, e tatau ona e faatumu ma sainia le pepa Talosaga mo se Fesoasoani ise Fale (Application for Housing Assistance).
• E mafai ona e faatumu le pepa Talosaga mo se Fesoasoani ise Fale ma meli atu ise ofisa o Auaunaga mo ni Fale (Housing Services) o lata ane. Ole a faafesoota’ia loa oe e faatulaga se taimi e talanoa ai lau pepa talosaga.
• E mafai ona e talosaga ile vaega e maua ai fale ole komiuniti (community housing providers) mo se fale e nonofo ai ise taimi umi, faapea fo’i le vaega e maua ai fale taugofie, ona latou avatu lea ile matagaluega lau pepa talosaga.

O tulaga e te agavaa ai o loo ta’ua i pepa o faamatalaga moni (fact sheet) – Agavaa ise fesoasoani mo se fale (Eligibility for housing assistance).

Ole a fautua atu le aufaigaluega ale Tautua mo ni Fale ini pepa e ao ona e umia mai ile talanoaga, mo se faataitaiga, o pepa e faamaonia ai oe, faamaoniga o lau tupe maua ma mea-taugata, faamaoniga o lou sitiseni ma le nofomau i Queensland, faamaoniga pe fia le lisi (rent) o loo e totogia nei, faamaoniga oni mea e mana’omia ile fale, mo se faataitaiga:

O mataupu e ao ona talanoaina ile faatalanoaga e aofia ai:

• poo e agavaa mo se fesoasoani ile mauaina ose fale ma poo e mana’omia se fale
• o fea e te finagalo e te nofo ai ma pe fia potumoe e te agavaa e maua, ma
• o iai ni ou mana’oga patino poo lou aiga fo’i e tusa ai ma le fale o fia maua

E mafai ona faafesoota’i se faamatalaupu pe a mana’omia. E mafai ona lua o mai ma se tasi o lou aiga, uo poo se tagata fesoasoani i lau faatalanoaga, pe a e loto iai.

Maitau mai: Ole solitulafono i lalo ole Tulafono o Fale 2003 (Housing Act 2003) le tuuina atu ma lou mautinoa ni faamatalaga sesē ma le lē sa’o ile Matagaluega mo le Lautele e ono faatosina ai se faaiuga e uiga i lou agavaa i auaunaga mo fale.

Iloiloina poo agavaa ile mauaina ole fesoasoani mo se fale ma poo le a le tulaga mana’omia e fia maua ai se fale.

Ole a iloilo lau pepa talosaga aga’i i mea nei poo e agavaa e maua se fesoasoani mo se fale ma poo le a le tulaga mana’omia e fia maua ai se fale:

• O tulaga masani e agavaa ai mo se fale
  • Sitiseni o Ausetalia poo le nofomau
  • Tagata nofomau a Queensland
  • Su’ega o mea totino (o ni mea totino ma tupe o loo ia te oe)
  • O lau lava tupe maua
  • Oni mana’oga ale aiga o loo fa’aoga iai le totogi.
• Agavaa ile Tulaga Talafeagai (Appropriateness eligibility criteria). Ole Agavaa ile tulaga talafeagai, e fua ai poo talafeagai le fale o loo e iai nei ma ou mana’oga mo se fale.
• Tulaga mana’omia ile Mauaina/Taofia pea ose fale (Accessibility/Sustainability housing need criteria). O lea tulaga, e faailoa ai poo iai ni faigatā ile mauaina ma le taofia pea ose fale o loo faatau mai i isi, e tusa ai ma ou mana’oga mo se fale.

1. E tatau ona e ausia muamua le tulaga agavaa mo se fale (social housing eligibility criteria) e aofia ai se tasi ole vaega, Mauaina/Taofia ose fale (Appropriateness criteria). Vaai le pepa o faamatalaga moni Agavaa ise fesoasoani mo se fale (Eligibility for housing assistance) mo nisi faamatalaga ile tulaga agavaa mo se fale.
2. A e ausia le tulaga agavaa mo se fale, ae lavea mai ai se tasi o vaega ole Tulaga mauaina/taofia ose fale, ole a fa’aoga la le tulaga mauaina/taofia ose fale, e iloilo ai lau mataupu poo le a lou mana’omia ose fale, ma tuu loa lou igoa ile lisi lesitala mo se fale.
3. E mae’a ona iloilo poo ua e agavaa ma poo le a le tulaga o loo e mana’omia ai le fesoasoani mo se fale, ma ua aliali ai o oe e te agavaa, ole a avatu loa lau pepa ile ofisa lesitala mo fale e tusa ai ma lou mana’oga mo se fale.

Ua matua’i mana’omia - o tagata talosaga ua iai se mana’oga sili ona ua leai ni fale e nonofo ai, poo ua le talafeagai le fale o loo nonofo ai ona o mataupu ua le mafai ai ona maua pe taofia se fale i auala masani e maua ai fale (private rental market).

E mana’omia tele - o tagata talosaga o loo iai fale ile taimi nei ua le talafeagai ona toe nonofo ai ona o mataupu ua le mafai ai ona maua pe taofia se fale i auala masani e maua ai fale.

E feololo le mana’oga - o tagata talosaga o loo iai fale ile taimi nei ua le talafeagai ona nonofo ai ma e iai lava nai mataupu ua le mafai ai ona maua pe taofia se fale i auala masani e maua ai fale.

E la’ititi le mana’oga - o tagata talosaga o loo iai mataupu e faatatau ile fale o loo iai nei, ae e le o iai se faigata ile mauaina ma le taofia ose fale talafeagai. O loo iai le malosi tautupe ma le mafai e lisi ai se fale talafeagai mai i isi tagata tua o loo iai a latou fale mo le nofototogi.

Maitau mai: O tagata talosaga o loo eseese tapulaa o latou mana’oga mo fale, e faitutusa uma i latou, ma o loo iai ile lisi fua ile aso na aumai ai le pepa talosaga.

Faamatilatilaina ole gaioiga e fai ina ia iloa ai poo ua e agavaa e maua se fesoasoani mo se fale ma poo le a le tulaga ua mana’omia ai se fale.

Laasaga	Gaioiga	Mafua’aga
Faagaoioi ma iloiloina pepa talosaga ile mauaina ose fesoasoani mo se fale	E mafai ona iloilo lau pepa talosaga mo se fale i mea nei: Ausia ole tulaga agavaa mo se fale (Social housing eligibility criteria), ma Ausia tulaga ua mafai ai ona maua /taofia se fale (Accessibility/Sustainability housing need criteria	Ina ia mafai ona iloa ai lou agavaa ma le tulaga ole mana’oga ma le ituaiga o auaunaga eseese ile mauaina ose fale.
Pulega Lesitala o Fale	Iloiloga faavaitaimi o lou tulaga.	Toe iloilo poo tumau pea le tulaga o loo mana’omia ai se fale.
Ofoina ose fale	O fale ua ofo atu i tagata talosaga na lesitala mo fale ona o latou mana’oga mo se fale ma poo ua mana’omia pea se fale.	Ina ia mautinoa o loo talafeagai le fale o loo ofo atu i tagata talosaga e tusa ai ma a latou mana’oga taufale.

Mo nisi faamatalaga

Faamolemole faafesoota’i le ofisa o Tautua mo ni Fale (Housing Services). E le gata i lea faasino i pepa o faamatalaga moni nei:

• Agavaa ise fesoasoani mo se fale (Eligibility for housing assistance)
• Aiā ile fale (Housing entitlements)
• Faatalitali ise fesoasoani mo se fale (Waiting for housing assistance).