E faapefea ona faaalia mai sou manatu poo le faia o sau tagi

Ole matou tiute ia te oe

Ole Matagaluega mo le Komiuniti (Auaunaga tauifale ma Ē e Leai ni fale e nonofo ai/ Housing and Homelessness Services) ua tausisi e avatu se auaunaga sili mo tagata ma ia migao i aiā tatau o tagata ta’itasi ina ia fa’aalia mai ai a latou manatu i gaioiga ale matagaluega, tautua poo ni mea faatau.

Pe a faapea ua le malie se tagata ile auaunaga ale matagaluega, ole a taulimaina ise auala tonu ma e teupuipuia le latou mataupu.

O faamatalaga e matou te mauaina ole a fesoasoani lea ile faaleleia atili o matou auaunaga ile lumana’i.

Faafesoota’i mai i matou

Ole tele o taimi e mafai ona e fa’aalia mai sou manatu poo se faatuiese e ala ile faafesoota’i se tagata faigaluega ole Ofisa Tutotonu o Auaunaga mo ni fale (Housing Service Centre) i lou vaipanoa pe vili ile telefoni.

A e le finagalo e talanoa ile mataupu ile aufaigaluega ole Auaunaga mo Fale e Nonofo ai i lou vaipanoa poo ua le mafai ona maua se tali i lau faatuiese, faafesoota’i mai i matou ile 1300 364 560.

E mafai fo’i ona e tusi, fax pe imeli se tusi ile matagaluega ile:

Tusi: Housing Appeals and Review unit
Department of Communities
PO Box 806
BRISBANE QLD 4001
Fax: 07 3225 1912
Imeli: feedback@communities.qld.gov.

O mea e matou te mana’omia

Faamolemole tuuina mai ia matou le tele o faamatalaga e te mafai ona aumaia ina ia mafai ona matou taulimaina faalelei lau mataupu poo le faatuiese.

A e mana’omia se fesoasoani, e mafai ona matou fesoasoani pe avatu ia te oe se faamatalaupu.

O gaioiga e fo’ia ai faatuiese ma nisi sa’iliiliga faaopopo>

Ile taulimaina o ou manatu fa’aalia poo ni faatuiese, ole a matou faia mae’ae’a laasaga nei.

La’asaga 1

Pe a faao’o mai ou manatu poo ni faatui’ese iai matou, ole a sa’ili’ili iai le vaega o loo faia le tautua, ae le ole aufaigaluega o loo aafia ile avatuina ole tautua muamua. E ala ile talanoa atu ile aufaigaluega a le Ofisa Tutotonu o Auaunaga mo ni fale atonu ole a fofō vave ai ni faafitauli.

A e le malie ile auala na taulimaina ai ou manatu fa’aalia poo ni faatui’ese, e mafai ona e talosaga ia o’o atu ou manatu fa’aalia poo ni faatui’ese ile laasaga 2 o iloiloga.

La’asaga 2

O ou manatu poo ni faatui’ese ole a sa’ili’ili iai le ofisa maualuga ole matagaluega. A fa’auau pea lou le malie pe a maua mai se tali o lau iloiloga, e mafai ona e avatuina lau faatui’ese mo le iloiloga ole Laasaga 3 i tua atu.

La’asaga 3

A e le malie ile fa’ai’uga mulimuli, e mafai ona e faafesoota’i le ofisa ale Queensland Ombudsman e talosaga ai se iloiloga faapitoa:

Vili le: (07) 3005 7000 poo le
1800 068 908 (numera vili fua)
Imeli: ombudsman@ombudsman.qld.gov.au

Mo nisi faamatalaga

Ina ia fa’aalia mai sou manatu pe maua mai nisi faamatalaga:

Asiasi: www.communities.qld.gov.au/housing/contact-us/website-feedback
Imeli: feedback@communities.qld.gov.au
Fax: 07 3225 1912
Vili: 1300 364 560
Pe tusi ile:
Housing Appeals and Review Unit
Department of Communities
GPO BOX 806, Brisbane 4001