Tulafonoac o Fale 2003 – Tiutefai a Tagata Nofototogi

Ole ā le Tulafono o fale (Housing Act 2003)?

Ole Tulafono o fale 2003 ose tulafono o loo pulea ai gaioiga ale Matagaluega mo le Komiuniti (Department of Communities) a Queensland e tusa ai ma tulaga tauifale i Queensland. Ole Tulafono o Fale 2003 na amata ona fa’aoga ia Ianuari 1, 2004.

O a tiute ale tagata nofototogi e tusa ai ma le Tulafono o Fale 2003?

Ina ia faamautinoa o loo maua e tagata e sili ona mana’omia se latou fale, o tiutefai a i latou o loo faaaogaina Auaunaga ale Matagaluega mo le Komiuniti Ē e Leai ni fale e nonofo ai (Department of Communities -Housing and Homelessness Services) o loo aofia ai ile Tulafono. Ae maise lava:

• E le tatau i tagata nofototogi ona aumaia ni faamatalaga sesē pe faapi’opi’o e faatatau iai latou poo latou tulaga, mo se faata’ita’iga pe a faatumu se pepa talosaga, poo le aumaia o ni faamatalaga lata mai nei
• O tagata nofototogi e tatau ona logo atu le matagaluega pe a iai se suiga (poo le sii poo le faaitiitia) ole numera o tagata ile aiga poo le totogi ale aiga ae e le’i atoa le 28 aso talu ona faia lenei suiga
• O tagata nofototogi e tatau ona fa’aogā le fale e na’o mo i latou lava, ole latou aiga, poo isi ua ta’ua ile lisi o tagata e tatau ona nofoia ile fale
• O tagata nofototogi e le tatau ona toe lisi atu (sublease) le fale mo se isi mafua’aga e pei ose pisinisi.

E faapefea ona siakiina e le matagaluega pe a faapea e le o tausisia tiutefai?

A le o tausisi se isi ile latou tiute tauave poo ua masalomia e le o faia tulaga e tatau ona fai, ole a aumai e le matagaluega le mataupu ile tagata nofototogi. A faapea e le o fofo ai le faafitauli, atonu ole a su’esu’e atili le matagaluega i lea mataupu.

Ole a faailoa atu ile tagata nofototogi le tulaga ole fia malamalama poo su’esu’ega ole a fai, ina ia maua ai se avanoa e tali mai ma fautuaina ise fa’ai’uga ole a iai.

O Tagata Ofisa Pule ale Matagaluega mo le Komiuniti (Department of Communities Authorised Officers) ua filifilia i lalo o lea Tulafono e va’ava’ai lelei ma faamalosia le tulafono e tusa ai ma a latou tiutefai.

O ai Tagata Ofisa Pule (Authorised Officers) ma o a mea e mafai ona latou faia?

O Tagata Ofisa Pule (Authorised Officers) o loo iai ile matagaluega ole Ofisa Tutotonu o Auaunaga mo Fale e Nonofo Ai i Brisbane (Brisbane Central Housing Service Centre), ua filifilia i latou i lalo ole tulafono e le Faatonu Faalaua'itele (Director-General). O tagata ofisa ua tofia e iai a latou pepa e faailoa ai i latou (identification cards).

O tagata ofisa ua tofia e iai le latou malosi e maua ai faamatalaga mai i soo se isi, ina ia vaavaaia ma faamalosia ai le tulafono. E mafai e nei tagata ofisa ona faia ni faasilasilaga i soo se isi ina ia maua mai ai faamatalaga poo pepa e iloa ai pe na iai se solitulafono a’o faia ni su’esu’ega. Ole a faia ma le faautauta nei su’esu’ega ina ne’i iai ni faafitauli sa le tatau ona tupu mai poo se faatigā ile tagata nofototogi.

Ose solitulafono le teena ose taumafaiga e maua mai ai ni faamatalaga, poo le aumai o ni faamatalaga le moni pe taufaasesē ise Tagata Ofisa Pule.

E faapefea pe a le faataunuuina se tiute tauave?

Ole lē taulau ona ausia ose tiute tauave ole a solia ai le tulafono.

Atonu ole a pule le matagaluega pe faapefea ona taulimaina le solitulafono, pe faia e le pulega ma/pe ala i tulafono e pei ole Tulafono mo Tagata nofototogi (Residential Tenancies Act) poo le Tulafono Tauifale (Housing Act).

E faalagolago ile mamafa ole solitulafono, atonu e avea le mataupu ile Fale Faamasino (Magistrate’s Court) mo se fa’ai’uga e faatatau pe na iai moni se solitulafono. I nei mataupu atonu e faapea mai le Faamasino e tatau ona faia se sala e oo atu ile $750, faamaumau le faasalaga ma toe totogi mai le tupe ale matagaluega.

O ā a’u aiatatau?

Ole tulafono ale matagaluega e faavae lea ile auala faanatura amiotonu. A masalomia ua iai se solitulafono, ole a avatu ile tagata nofototogi le aiā e tali mai ai ma ole a faia se fa’ai’uga ile solitulafono aunoa ma se faiga faapi’opi’o.

E fesoasoani le iai ose fesoasoani ile tagata nofototogi poo se tagata sapasapaia e fesoasoani lea i lē e nofototogi pe a faia fesoota’iga ma le matagaluega.

Mo se fautua e ese mai, faafesoota’i le Auaunaga i Fautuaga ma Fesoasoani mo Tagata Nofototogi (Tenancy Advice and Advocacy Service) (Queensland) ua iai i lalo ole lisi ‘T’ o Itulau papa’e (Whitepages).

O fea oute maua ai faamatalaga e faatatau ile Tulafono o Fale 2003 (Housing Act 2003)?

O nisi faamatalaga e maua mai ile uepesaite (PDF) ale matagaluega ile:

Pe faafesoota’i le:
Housing Appeals and Review Unit
Department of Communities
PO Box 806
Brisbane QLD 4001
Telefoni: 1300 364 560