Ofoina atu ole Fesoasoani ile Su’eina ose Fale

A faapea o loo iai lou suafa i luga ole lisi o lesitala mo fale, o le a faafesoota’i oe e le Matagaluega mo le Komiuniti (Auaunaga taufale ma Ē e Leai ni fale e nonofo ai (Housing and Homelessness Services) pe a avanoa se fale. Ole a fesiligia oe pe mata e mafai ona e nofoia ile fale, a mafai, ole a vala’aulia oe e vaavaai ile fale.

Ua ta’ua lea ole ofoina atu ose fale 'offer of housing'. E i ai le manatu e te taliaina lenei ofo.

Ae e le’i ofo atu se fale, ole a matou faafesoota’i atu oe poo e agavaa pea mo le fesoasoani ile su’eina ose fale. E mana’omia ona e aumai ni pepa e faamaonia ai lou totogi ma mea taugatā totino, ma e mana’omia fo’i lou faailoa atu ile matagaluega:

• pe a faapea o iai ni au meatotino poo se vaega ose fanua/fale e toso solo – (mobile)poo se fale feavea’i poo se va’a e nofo ai
• pe a faapea ua suia tulaga o lou nofomau i Ausetalia
• pe a faapea o oe poo se tasi o lou aiga ua iai ni mana’oga faapitoa taufale e te le’i faailoa muamua atu ile matagaluega
• pe a faapea ua sui lou mana’oga mo se fale, ma
• a faapea o iai se mafua’aga ua ala ai ona e teena le ofo ole fale, mo se fa’ata’ita’iga, o loo noanoatia oe ona ose feagaiga e patino le taimi e faagata ai.

E faapefea pe a ou teena se ofo ona ose isi mafua’aga?

A faapea e te le taliaina se fale ua ofo atu ia te oe, e tatau ona e aumaia se mafua’aga lelei ua ala ai ona e teena le fale ae e le’i avatuina le tuātusi ole fale. Atonu e mana’omia ona e aumai ni faamaoniga e fa’aalia ai le mafua’aga e te le taliaina ai le ofo.

Fua i lou tulaga, atonu ole a taofia lau pepa talosaga se’ia oo ise taimi ua e ioe ai e te taliaina le ofo ole fale. A mana’omia ona taofia lau pepa talosaga, talanoa atu ile tagata ofisa ole Tautua mo fale e faatatau iai.

E faapefea pe a ou le tali atu ise ofo ose fale ua fai mai?

A e le tali mai ise ofo ose fale ua avatu, ole a matou fa’aleaogaina le ofo ma lau pepa talosaga mo se fale e nofo ai. Ole a matou meli atu se tusi e faailoa atu ai o lea tulaga ua tupu. E taua tele lou faailoa mai ia te a’u e faatatau i ni suiga ua iai i lau pepa talosaga. Ole pepa o faamatalaga o mea moni (fact sheet) Faatalitali ise Fesoasoani mo se Fale (Waiting for housing assistance) mo nisi faamatalaga fa’aopopo.

O afea e mafai ona ofo mai ai se fale?

O lau pepa talosaga e mulimuli mai i pepa a isi tagata ua sili atu a latou mana’oga mo fale nai loo oe, ma isi fo’i e ta’itutusa mana’oga e pei o oe, ae peita’i na muamua talosaga mai ia te oe.

A ofo mai ia te au se fale, o fea ole a iai?

A ofo atu ia te oe se fale, ole a iai ise tasi o nofoaga na e tusia mai i lau pepa talosaga o fale e te fia nofo ai.

A ta’ua mai ile lisi lesitala mo fale, o loo feololo le mana’oga pe e le mana’omia tele, atonu e matou te le mafai ona ofo atu se fale, ma e sili ai ona e sa’ili’ili i nisi auala e maua ai sau fale. Talanoa atu ise tagata ofisa ole Tautua mo se Fale e faatatau i nisi fesoasoani ile mauaina ose fale.

O a ituaiga o fale ole a ofoina mai?

Ole a ofoina atu fale ituaiga eseese (ose faata’ita’iga ose fale tu’ese /detached home poo se apartment) ma numera o potumoe e tatau ona e mauaina. Ae vagana ai tulaga faapitoa, o lea la, fesili i lau ofisa o Tautua mo Fale mo ni faamatalaga auiliili. Ole pepa o faamatalaga moni (fact sheet) ole Fale e Tatau Ona e Maua (Housing Entitlements) o loo faamatala ai ituaiga o fale o loo iai.

E mafai ona ou vaai ile fale?

Ioe. Ole a matou avatuina ki mo le fale ma e tatau ona toe faafo’i mai ile 4pm ile afiafi ole aso lava e tasi na e maua ai ki. E le mafai ona tuua ia te oe le ki ile po atoa.

Ole a la’u mea e fai pe a ou sii atu e nofoia le fale?

Ile taimi e aumai ai ki, ta’u atu ile ‘aufaigaluega o loo e naunau e nofo ile fale. Ole a faatulaga se taimi ma oe e sainia ai le Tulaga Feagaiga mo le Nofototogi (State Tenancy Agreement).

E mafai ona ou teena le fale o loo ofo mai?

Ioe, pe a faapea e lelei sau mafua’aga, mo se faata’ita’iga:

• e mamao tele mai i tautua mana’omia, e pei ose falema’i ma isi tautua fesoasoani, poo
• mana’oga ole galuega poo a’oga.

Atonu e mana’omia ona aumaia ni pepa e faamaonia ai ou mafua’aga ua teena ai le fale.

Ole a le mea e tupu pe a ou teena se fale ona ose mafua’aga le talafeagai?

A le lelei sau mafua’aga mo le teena ole fale ua ofo atu, ole aso tusia na e talosaga ai ole a suia ile aso na e teena ai le ofo, ma ole a tuu i lalo ole faaputuga o isi pepa talosaga ale lesitala o fale, lau pepa talosaga. Ole i’uga, atonu ole a le toe ofo atu se isi fale ia te oe mo se taimi umi lava. O faata’ita’iga o mafua’aga le talafeagai e iai:

• lou naunau atu mo se fale piliki ae le ose fale laupapa, pe
• e te le fiafia ile auala o loo iai le fale.

E mafai ona ou teena e sili atu ma le tasi se taimi se fale ua ofoina mai?

Ioe, ae a teena le lua o fale ua ofo atu aunoa ma se mafua’aga lelei, ole a ave’esea lau pepa talosaga mai ile lesitala mo se fale ma e te le mafai ona toe talosagaina se isi fale mo le 12 masina.

Mo nisi faamatalaga

Faamolemole faafesoota’i le ofisa o Tautua mo Fale. E le gata i lea, vaai pepa o faamatalaga moni (fact sheets):

• Agavaa ise fesoasoani mo se fale (Eligibility for housing assistance)
• Talosagaina ose fesoasoani mo se fale (Applying for housing assistance)
• Fale e tatau ona e maua (Housing entitlements).