Queensland Government
Department of Housing and Public Works

E mafai ona e talosaga e te vaai i pepa ale matagaluega o loo iai au faamatalaga totino e ala i talosaga faa-tulafono (Tulafono i Aiā Tatau mo Faamatalaga ma/poo Faamatalaga -Totino (Right to Information and/or Information Privacy Acts) poo le ui atu i Auala Fai a Pulega (Administrative Access process).

O talosaga e ala ile tulafono

Ole a iloilo e le vaega Aia tatau e Maua ai Faamatalaga ale Matagaluega mo Komiuniti (The Department of Communities Right to Information Unit) poo a pepa na faatalosagaina e tatau ona avatu pe fa’atagaina. Atonu ole a teena se talosaga ile mauaina oni pepa ona ole puipuiga o mataupu taua e aafia ai le lautele, poo mataupu totino, poo ni mataupu taupisinisi a isi.

O talosaga uma e ala ile tulafono e tatau ona avatu i luga ole initeneti e ala ile uepesaite ole Aiā tatau e Maua ai Faamatalaga (Right to Information), poo i luga ose pepa talosaga.

Ole Vaega e iai le Aiā tatau mo Faamatalaga (Right to Information Unit) e mafai ona faafesoota’ia ile:

Right to Information Unit
Department of Communities
GPO Box 806
BRISBANE QLD 4001
Telefoni: 13 QGOV (13 7468)
Imeli: rti@communities.qld.gov.au

Auala a Pulega e Maua ai

O Auala a Pulega e Maua ai (Administrative Access) ose auala ale matagaluega e mafai ai e tagata ole taimi nei ma le taimi ua mavae, ona maua vave ma ise auala faigofie a latou pepa o loo iai faamatalaga totino. E mafai ona faia sau talosaga e ala ile faatumuina ose pepa talosaga mai ile Auala a Pulega e Maua ai. E tatau ona faapipii mai pepa e faamaonia ai oe (mo se faata’ita’iga ose laisene ave taavale) faatasi ma le tusi muamua lava ona faatoa mafai lea ona iloiloina lau talosaga. Lafo mai ile Meli atu lau talosaga ile ofisa ole Tautua mo se Fale o loo lata ane ia te oe e iloilo ai.

A taliaina lau talosaga, ole a matou faatulagaina se taimi mo oe e vaai ai nei pepa. E mafai fo’i ona e talosaga ni suiga i au faamatalaga totino pe a e manatu e sesē, taufasesē, le atoatoa pe oni faamatalaga ua leva. O ni suiga e tatau ona tusia i lalo ole pepa faatumu ale pulega (Administrative Access Amendment form) ma faapipii ile pepa talosaga. E le tatau ona ave’esea ni pepa poo ni vaega o ni pepa mai i faamaumauga.

O pepa faatumu e talosaga ai faamatalaga poo ni suiga i au faamatalaga totino o loo avanoa ile uepesaite ale Matagaluega mo Komiuniti- o Auaunaga tauifale ma Ē e Leai ni fale e nonofo ai (Department of Communities - Housing and Homelessness Services) ile poo se Ofisa Tutotonu o Auaunaga mo se Fale o loo lata ane ia te oe.

Afai e le taliaina lau talosaga, e mafai ona ave lau talosaga e uia auala tautulafono.

Ole pule e talosagaina ai pe faailoa au faamatalaga i nisi

A e sainia se pepa ole Pule e talosaga pe faailoa ai faamatalaga totino i isi tagata i fafo atu (Authority to request or disclose personal information to external parties), ole a matou faafesoota’ia isi tagata ma/poo ofisa sui (agencies) e faasoa ai faamatalaga ina ia maua ai ni auaunaga o avanoa mo oe. I tulaga nei:

  • Ole a matou faamatala sa’o atu le matagaluega e mana’omia ona faafesoota’ia ma aisea.
  • E mafai ona e filifilia se tagata faapitoa poo se faapotopotoga ma le taimi ua e faataga mai mo i matou e avatu mai pasi mai ai au faamatalaga ma latou.
  • E mafai ona e faamanino mai mataupu e mafai pe le mafai ona matou talanoaina ma lea tagata poo se faapotopotoga.

O lou tulaga puipuia

E mulimuli le matagaluega ile Tulafono Malupuipuia o Faamatalaga i Tapulaa o Faamatalaga 42 (Information Privacy Principles in Information Standard 42 ) (vaai le (PDF)).

E matou te fa’aaogaina au faamatalaga totino e na’o mafua’aga lava na aoina mai ai. Ole a matou puipuia au faamatalaga totino e ala ile fa’aogaina oni auala puipuia mai ile leiloa o faamtalaga, ole avatusese ise isi e le iai sona aiā iai, ile fa’aogaina, fesuisuia’iga poo le faailoa atu, ma isi auala e le talafeagai ona fa’aogaina ai.

Mo nisi faamatalaga

Faamolemole faafesoota’i le Ofisa Tutotonu ole Auaunaga mo se Fale o loo lata ane ia te oe.